|
|
 |
30 - 11 - 2008, 21:25
|
#1 (permalink) |
|
مراقب
 
تاريخ الانتساب: 03 - 08 - 2007
المكان: مادري نسيت
السن: 20
مشاركات: 5,106
|
اسمحيلي يا امايه بتزوج أجنبيه .. المواطنه وايد غاليه .. !!
ومثل كل الشباب اللي في مثل عمره .. سعيد عنده سيارة كشخه موديل 2007 بـ 150 ألف درهم إماراتي .. وغير هذا لازم سوالف الشباب من تزويد وخرابيط وهذا غير رنجات السياره اللي كل واحد فيهم مادري بكم ألف درهم .. وهذا كله سلفيات طبعا وطبعا كل يوم طلعات ويا ربعه وسينمات وهاي غير يلسات ستاربكس اللي ما تخلص عنبوه حتى اللي يشتغلون في ستاربكس حفظوا ويهه وكالعاده .. رد يوم من الأيام من الدوام وشاف الوالده أم سعيد يالسه في الصاله تشوف مسلسل " عيال الفقر " اللي يحطونه في " ام بي سي " كل يوم وجدامها التمر و دلة القهوه سار سعيد وباس راس أم سعيد .. وحست الوالده أم سعيد انه ولدها سعيد يبا يقول شي دار بينهم هالحوار .. سعيد : اشحالج يالغاليه اليوم ؟؟ أم سعيد : الحمدلله يا امايه .. شو بلاك يا سعيد .. احس انه فخاطرك شي تبا تقوله .. !! سعيد : احم .. انا .. انا .. انا .. يا امايه يعني .. امممممم .. انا .. اناا .. امممم .. ماعرف كيف ابدأ أم سعيد : شو بلاك يا سعيد .. قول .. محتاي شي ؟؟ تبا شي ؟؟ قول ولا تستحي يا ولدي !! سعيد : انااا .. انااا ابااا اعرس يا امايه أم سعيد : كلولولولولوووووووووووش اخيرا .. اخيرا بتفرحني يا سعيد انت ولدي الوحيد وتدري ابا اشوف عيالك وعيال عيالك ان شالله الحمدلله .. الحمدلله .. الحمدلله انه الله هداك وسمعت كلامي وبتعرس سعيد : أم سعيد : انزين ما قلتلي يا ولدي .. منو هاي سعيدة الحظ اللي لازم تحمد ربها ليل ونهار إنه سعيد الغالي بياخذها ؟؟ .. بنت عمك شما ولا بنت عمك روضة ولا منو من الأهل .. ولا وحدة ثانية فبالك ؟؟ سعيد : اسمحيلي يا امايه بتزوج أجنبيه .. المواطنه وايد غاليه .. !! أم سعيد : شوووووووووه ؟؟!! أم سعيد وولدها سعيد قصة انتشرت وبكثرة في واقع مجتمعنا الإماراتي وأصبحت تحدث أمامنا وبشكل يومي هذا هو سعيد وأمثاله من الشباب يعزفون عن الزواج أو يتزوجون من أجنبيات أو عربيات بحجة إن بنت البلاد غالية وما يرومون ع مهرها وتكاليف عرسها !! يرمسون وكأن البنت سلعة تنباع وتشترى وكأن البنت المسكينة هي سبب غلاك تكاليف الزواج لو بحثنا في أصول الموضوع .. ترا المشكلة مب مشكلة غلاك المهور المشكله هي مشكلة غلاء تكاليف العرس وغلاء الأسعار يعني شو تسوي البنت المسكينة لو سارت الصالون وقالولها إن تجهيز العروس من حمام مغربي وغيره وميكاب وشعر وكل هذا يطلع بـ 5000 بس لأن اسمها " عروس " !! وشو تسوي البنت المسكينة لو كان " تأجير " أبسط فستان عرس وأبسط باقة ورد يكلفها على الأقل 10000 درهم إماراتي هذا غير الزهبه وغيره وغيره وغيره .. الخ وغير القاعه وتكاليفها اللي تعرفون كم تكلف !! وبعدين تعال يا سعيد !! مب تسلفت من البنك وراكمت الديون ع ظهرك عشان تكشخ بسيارة قيمتها ما تقل عن 150 ألف درهم ؟؟ مب سرت وزودت مورتك وغيرت تواير سيارتك بكم ألف درهم ؟؟ مب كنت كل يوم مطيح ويا ربعك في ستاربكس وسينمات وطلعات وسفرات ؟؟ لو حسبنا إجمالي هالتكاليف .. بيطلع ع الأقل 300 ألف دهم !! يعني يا سعيد عندك 300 ألف درهم حق سيارتك وكشختك وطلعاتك وما عندك بس بالكثير 100 ألف درهم تكاليف ليلة عمرك ومهر حرمتك وحبيبتك وشريكة حياتك اللي بتقضي وياها العمر كله بحلوه وبمره !! يعني تستخسر مئات آلاف على حرمتك وما تستخسرهم ع موترك وكشختك !! وينك يا سعيد .. أبا ردودك ع أسئلتي !! موضوع اعجبني وحبيت انقله لكم..
__________________
قام بآخر تعديل fro0o7a يوم 30 - 11 - 2008 في 21:54. |
|
|
|
01 - 12 - 2008, 01:56
|
#3 (permalink) |
|
مدير الموقع
تاريخ الانتساب: 16 - 09 - 2007
مشاركات: 3,274
|
وبالنسبه لعزوف الناس عن الزواج فهناك عدة نقاط اول شئ المغالاه في المهور حد يطلب مهر بس 150 الف وهي ماتسوى بيزه شو اباها اخذها واهلها طالبين هالسعر هذا الشئ حرام اولا البنت بتعنس وما حد بياخذها الشئ الثاني وفي بعض العوايل ينتظرون شيخ والا وزير ياخد بناتهم والشباب العاديين يتقدمون وهم يرفضون والبنات بيعنسن انا عندي اقتراح ابغي اخذ اربع حريم ونطالب صندوق الزواج انه كل واحد يتزوج بالثانيه والثالثه والرابعه يصرفون له مبلغ من صندوق الزواج ويعطونا بيوت زياده وحاضرين
__________________
 |
|
|
|
|
01 - 12 - 2008, 11:47
|
#6 (permalink) | |||||||||||||||||||||||
|
مراقب
تاريخ الانتساب: 03 - 08 - 2007
المكان: مادري نسيت
السن: 20
مشاركات: 5,106
|
خخخخخخخخخ ضحككتني.. من زينهم الرياييل الحينه تدري احسن شي سووه انه خلو المهر ع الريال مب الحرمه..يعني من كثر ما الريال وايد اوكي والمعامله الاحلى حليلها الحرمه بتم تتحسف طول عمرها ع الفلوس اللي عطته اياها..هذا اذا كان المهر عليها..بس الحمدلله انه ع الريال خخ الدنيا مستويه غاليه والاغراض غاليه عشان جي لازم الحرمه بعد ترفع سعرها خخ ياخي عندنا بترول وعندكم فلوس مب انتو مواطنين لازم الاهل يرفعون الضرايب..كل ما كانت البنت حلوه كل ما زاد السعر خخخخخخخخخخخخ اسولف يالوليد.. بس هالشي راجع للاهل البنت مايخصها تره هم اللي يطلبون هالكثر وهي شو بتسوي يعني اذا اهلها ملتقعين خخخ..وبعد لازم عشان تتزهب وكل شي غالي ولا تبونها تروح بيت ريلها قرعه خخخ يالله تستاهل 200 الف بعد هي كم مره بتعرس ..الا هي مره بالعمر مب مثل الرياييل عادي عندهم الشرع محلل لهم اربع مرات يلبس البشت..ياخي معاناه عندهم البنات.. ومشكور اخوي الوليد ع مرورك تسلم..
__________________
|
|||||||||||||||||||||||
|
|
|
|
01 - 12 - 2008, 11:54
|
#7 (permalink) | |||||||||||||||||||||||
|
مراقب
تاريخ الانتساب: 03 - 08 - 2007
المكان: مادري نسيت
السن: 20
مشاركات: 5,106
|
هيهااااء شو يسوون بعد يا ذيب البيح..البنات دومهم مال مقصه..الحين ارخص فستان يمكن ب7 الاف وموديله مال سنة يدي..يعني عنقاش ..يعني االوحده اذا تبا تستوي مصخره بعرسها تسير تاجره..خخ يالله هي كم مره بتلبس فستان وبتتعدل..الا هي مره وحده بالعمر..تستاهل البنت خخخ ومشكور ذيب البيح ع مرورك تسلم..
__________________
|
|||||||||||||||||||||||
|
|
|
|
03 - 12 - 2008, 12:43
|
#8 (permalink) |
|
مراقب
تاريخ الانتساب: 09 - 08 - 2007
المكان: الامارات الحبيبه
مشاركات: 3,984
|
لو كل واحد يلتزم يقانون الشيج زايد رحمه الله بتشوفو الشباب كلهم متزوجين من بنات البلاد بس الله يكون في العون
__________________
 التحدي ان تعشق من ليس لك وقمة الحزن ان تبتسم في قلبك الف دمعة وقمة الالم ان تسكــــت وفي قلبك جرح يتكلم وقمة الاستغــــــــــراب ان تنجرح ممــــــــــــن تحـب وقمـــــــــــــة الوفاء ان تنســـــى جـــــــرح مـــــــن تحب |
|
|
|
|
04 - 12 - 2008, 23:04
|
#9 (permalink) | |||||||||||||||||||||||
|
مراقب
تاريخ الانتساب: 03 - 08 - 2007
المكان: مادري نسيت
السن: 20
مشاركات: 5,106
|
هيه كلامج كله صح بصح..منوره المنتدى يالهنوف.. ومشكوره ع مرورج تسلمين
__________________
|
|||||||||||||||||||||||
|
|
|
|
05 - 12 - 2008, 00:17
|
#10 (permalink) |
|
عضو جديد
 
تاريخ الانتساب: 25 - 11 - 2008
السن: 5
مشاركات: 47
|
على يد موئسس دولة ألامارت العربية المتحدة الشيخ زايد بن سلطان طيب الله ثراه حدد قيمة المهور وتم وضع أرشادات لجميع المواطنين بعدم وضع العراقيل أمام الشباب (( أما الاخ سعيد وأمثاله من الشباب الدينه يتزوجون من اجنبيات فهم فقط يتعدرون بغلاء المهور وتشوفه متعرف على الاجنبيه فى مرقص وضحكت عليه بكلمتين حلوين موعشان عيونه بس عشان ألى في جيبه )) وتسسسسسسسسلمين فروحه على طرح مثل هذى المواضيع تسسسسسسسسلمين
__________________
|
|
|
|
 |
| علامات |
«
الموضوع السابق
|
الموضوع التالي
»
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
التوقيت حسب جرينتش +4. الساعة الآن 00:30.
 |
 |
