ديوان اشعار سمو الشيخ زايد بن سلطان ال نهيان (رحمه الله) - الصفحة 3

fro0o7a · 26 - 07 - 2008, 22:50

مشكور اخوي فارس الجبال..وانا راح اكمل الباجي

fro0o7a · 26 - 07 - 2008, 22:51

إِنتْ فَاهِمُ كِلُ دَعُوَايِهُ

صَاِفنيِ يا اصْخّيِفْ الخدّي""يا حِسِين اللُّون وِالْهَايِـهْ
ما صِفْيتْ إلْغَيْرِكُمْ حَـدّي""يا شِفَا روحي ومَنْوَايِـهْ
مَا لْجِسْمِي غيرك امغذّي""وانْت فَاِهْم كِلْ دَعْوَايِـهْ
انْ نِظَرتْ بنظره اْتَسّدي""ذيـك كَيفتيـه ومعنايـه

fro0o7a · 26 - 07 - 2008, 22:51

يَا خَفيفُ الرُّوحُ كيف اُنُتوا

يا خفيف الرّوح جيف انتوا""يا شِفاقلبي مِـنْ اعْوَاقَـه
ارحمونـي لوتِكَرَّمْـتـوا""بالوصل وَانَامـن اشْفَاقَـه
مَْرّ وَقْـتٍ لِـيْ ولا بِنْتُـوا""أنْتِظِرمِـنْ طَـوَّلْ افْراقَـه
ارحموا ذاالرّوح لا هِنْتـوا""لَي لِكُمْ بالشُّـوق تَوّاقَـه
مَا زِهَا لِيَ وقتْ لَو مَنْتُـوا""إنْتْ سِعْدالقلب وَاشْراَقَـه
انتوا اللَّي بِـي تِمَلّكتـوا""بالِرّضَا والِطّيب وَاخْلاَقَـه
ارْحِموا مِنْ به تِحَكَّمْتـوا""من جفاه النّوم مَـا ذَاقَـه
في سويدا القلـب شَيَّتُّـوا""مَنِْـزلٍ مـا حَدّْقََـدْ فَاقَـه
بَخْفِيْ إمّاَ بـي اذا عِتّـوا""لايِشيْع السَّـدّْ واشْوَاقَـه
الصّواب اللّي بِيِهْ صِبْتُـوا""عالجوها النَّفْـسْ مِعْتَاقَـه
غايـة امْنَايِـهْ اذاجدتـوا""بِعْدِكُمْ لِـيْ نَـارْ حَرّاقَـه

fro0o7a · 26 - 07 - 2008, 22:51

بَيْنُونَهْ

يعـل نـوٍ بانـت امْزونـه""يسجي الظَّفْـرَه أوْ يَرْوِيهـا
لَيْن يِزْخَـر عِشِـبْ بَيْنُونِـه""والْغِـزر تَسْقِـي سِوَاقِيهـا
والرَّمِلْ يَعْشِب أوْ يِرْعُونِـه""واْلبـدو تَزْهِـي مبانيـهـا
ويستجي مِ الغيث في السُّونه""شَـرْقْ والوِدْيـان يَيْريهـا
والجِبَـل تِدَّفّـق اِرْكـونـه""وْيَمْلِـي اْلجِيْعَـانْ يارِيهـا
واْلغِضِـي تِتْنَقَّـلْ اظْعونـه""لَيْ اهْمُومْ اْلقلـب يَشْفِيهـا
وِانْ عَرَضْ يَمْشي عَلى هُوْنِهْ""بِيْـس بالدِّنيـا وْمَـا فِيْهَـا
هودَعَاهَا النّفـس مَمْحونِـه""والطّبيـب اللَّـي ايْشافيهـا
مِحْتَرْم والنّـاس يِحْضُونِـه""لَـيْ وُصوفَـه نافِـلٍ فيهـا
نَطقِتهْ وِانْ يَـاتْ مَوْزُوْنِـه""مِنْ صَخاوِةْ نَفْـسْ يَفْضِيهـا
وِاْلملاحَـه فِيـهْ مَكْنـونَـه""مِنْ لِبُوبْ اْلوَشِـيْ يَكْسِيهـا

fro0o7a · 26 - 07 - 2008, 22:52

عِذَلْت نَفْسِي عَنْ هِوَاكُمْ

عِذَلْتْ نَفْسِي عَنْ هِوَاكُـمْ""واقْنَعْتِها بلّلـي لِهُـمْ قَـدّ
ضَافِينْ مَا صَاروا شَرَاكُمْ""يَرْوُونْ وِلْهُمْ دُوْنِيـهْ حَـد
وَابْعَدت نَفْسِي عن حِمَاكُمْ""ومن النّكاده رَيْت لِي بـدّ
وَاخْلَصْت نَفْسِي مِنْ عَنَاكُمْ""وِاْليُومْ قَلْبي عَنْكُـمْ أَبْعَـد
في رَبْوَةٍ ما هـو حْذَاكُـمْ""في شَامِخٍ أَخْضَرْوْيَسْنِـد
والشَّهْد أَشْرَبْ عِقِبْ مَاكُمْ""لَيْ مِدْحِنٍ مِكْدِرْ أوْمِسْـوَدّ
مرفوضْ عذرٍ مِنْ جِدَاكُـمْ""وْمَحَالْ نفسي صُوْبِكْ اترد
هذا جوابي اْليُـومْ يَاكُـمْ""وِاْلبَابْ عنكُم غِلْجْ وِانْسَدّ
دِخَّانْ لَي كـدّر سِمَاكُـمْ""مَا هُوبْ غيمٍ خيره إيبـدّ
لَي عَاضِنِي هَبْ مِسْتِواكُمْ""عَالِي مِقَامَهْ عِنْدِي أو قَدّ
واخْلاقْ واطْبَاعَهْ عِدَاكُـمْ""جِيْونْ من الدّانَـاتْ يِِفنـد

fro0o7a · 26 - 07 - 2008, 22:52

آه يَا مِنْ وَنّ مِنْ حِدِّه

آه يَا مِنْ وَنّ مِنْ حِـدِّه""يَا سَعَادِةْ عِمرِي الثّاني
إرحموني يا زجي يَـدَّه""مِنْ مِوَدِّةْ جِسمِي الفَاني
اْلوِجَنْ كاْلـوردْ مِحْتَـدَّه""وِلخْدُود ابروقْ زَفَّانِـي
وِاْلمَعنَّق مَا حَـلا قَـدّه""والثَّنَايَا حَـبّ رِمانـي
واْلهدَبْ وِاْلعِينْ مِسْـوَدِّه""واْلمِدَامِعْ نُورِهَا جَانـي
اْلحِسِنْ والزِّينْ مَا سَـدِّه""في مَحَلّهْ أوْ يِتِركْ الثَّاني
كِلّ جِسْمِه م الحِسِنْ بَدِّه""مِن اْلحَلاَهْ ابْغِير مِيْزَاني

fro0o7a · 26 - 07 - 2008, 22:52

يِعِل يَسْقى يُوْمْ بَالاجي

يِعِلْ يِسْقَي يُـوْم بَالاَجِـي""لَيْ اِيْسَلِّي اْلقَلْبْ وِيْرِيحِـه
نَظْرِةٍ مِنْ شُوفَه اِعْلاجِـي""يَنْعِشِ اْللّي نَفْسَه امْسيِحِه
هُوْه لَيِ لِي فِي اْلحَشَا لاَجِي""فِيهْ مَااسْمَعْ قُوْلْ نَصِّيحِـه
وْلاَعُيُونِي اْتخَايلِ اْلبَاجِـيِ""اوْلاَالضَّحَلْ ليِ سَدَّه ايْبيحِه
بُوعَيَـانٍ نِعَّـسْ ادْعَاجِـي""هُوْه لَيْ بَعْنِيـه وَآصِيحِـه
بـوُ ثَمـانٍ لُؤلُـؤٍ نَاجِـي""تِشْرَحْ الخَاطِـرْ تَفَاريحِـه
لَيْ جَمَالَهْ فَاجْ لَـي فَاجِـي""لاَ وَلاَ في الحُور تَمْريحِـه

fro0o7a · 26 - 07 - 2008, 22:53

إلى الشيخ محمد بن راشد

أَلا يَا مَرْحَبا حَيِّ بِنْفيحَهْ

أَلا يَـا مَرْحِبَـا حَـيّ ابْنفيـحـه""نسيم الشّرق لَيْ يَـابْ اْلجَوابـي
هَلا بِهْ لَيْ عَرَفْ قاصِي النّصيحـه""كريـمْ الأَصِـلْ واجـدادٍ انْجَابـي
تمثَّـلْ لِـي ابْتماثيـلٍ صحيـحـه""وكِلْ مَا قَـالْ لِـيْ فِيهَـا صِوَابـي
ترَىَ في النّاسْ أجنـاسٍ شحيحـه""اتَّخيَّل لـك غديـرٍ مـن سَرَابـي
إيشوفون الأمـور اللّـي فسيحـه""ابْعيـنٍ حُوْلِهَـا ضـاق الرِّحابـي
فهـيـمٍ لِلْمَـلامِـح وِالقريـحـه""وَلا يخفـاك خاطِـيْ اوْلا صوابـي
ولو رَوُّوك ضِحْضَـاحٍ أو شِيحـه""فـلا يَغْرِيـك مِـنْ لِـكْ باينابـي
لأنِّك من هَـل الْجـزْلا الفصيحـه""عِريبْ اْلعِربْ عَالِيـن ظالجنابـي
شكيت امن الهوى حرّه أوْلفيحـه""وانته ابْشـوق مَنْسـوع الرِّقابـي
خفيف الرّوح والنّفـس المليحـه""يِسلّـي مـن ابْقلبـه لِكْتِئَـابِـي
عزيب الرّيم فـي قَفْـرَه نزيحـه""وعين الحِرّ لَـيْ فـي راسْ نابـي
له الصَّقّارْ لو يَرْضِـف ابْصَيْحِـه""غنيّ النّفـس مـا حَـدّه أوْيَابـي
عجيـد اليازيـات اللّـي سريحـه""رَعَى عِشبْ الشِّوامِخ في الرّوابـي
سقـا الله دارهـا يُـودٍ نضيحـه""كسى لِمْغيـبْ وِيسَـوّي احْيَابـي
وعـود المـوز والشَّرْتَـا لِفيحـه""هضيم الكشح لَيْ زَيْنـه اعجابـي
يصوِّب في الهوى أو يَشْفِى جريحه""إيْعَالِـجْ مـن يصيبـه بَلْحَرابـي
محبّك لَيْ بشوشْ وْلِـك نصيحـه""وبَيَّنْ لك خِفَـا مـا صـار غابـي
تخيَّر لـه طريجـه لَـيْ تريحـه""وعن العذّال سِرْبـه فـي تِغَابـي
ختمت الجيـل بَابْيَـاتٍ صريحـه""جـدا شَهْـمٍ فِهِـيْـمٍ للْجِـوابـي

fro0o7a · 26 - 07 - 2008, 22:53

دوا المصطاب

حي نود هـب لـه لفحـه""ارق اعيونـي بـلا حيـاده
عند يللـي نظرتـه فلحـه""من نظرهـا حـرم ارقـاده
من جداهم نفسـي شرحـه""صـوب غيـره مالـي راده
هو دوا المصطاب من جرحه""ومن يصيد اللي بيصطـاده
لـي لفيتـه زادت الفرحـه""ويشتفي قلبي مـن ايهـاده
من سلوكه او نفسه المرحه""ماستطيع ابعد عـن ابـلاده
الملاحـه فيـك منشرحـه""ضافيه واكثر مـن العـاده
يا سعادة قلبـي او فرحـه""انت لـي مفنـود بالسـاده
عيد يوم اشوف لك لمحـه""والحشى عازل عن انهـاده
رغبتي من وصلـك املحـه""فوق مـا تتصـور ازيـاده
لك محيـا بهجتـه سمحـه""ما تحمـل لحظـة ابعـاده
يود يسجـي دارك البرحـه""نبـت عشـبـه زاد رواده
الحضر والبدو بـه مرحـه""بالوطـاه وعالـي انـفـاده

fro0o7a · 26 - 07 - 2008, 22:53

يَا نِجِيّ الدِّرّ لَيْ صَافِي

يَا نِجِيّ الدِّرّ لَـيْ صَافِـي""لَي جِنِيْ مِنْ لِجَّةِ ابْحـورَهْ
فيِكْ حِسْنٍ وَافي أو ضافـي""مَرّ وَقْـتٍ لِـيْ وَانَـا دُوْرَهْ
يُوْم رَيْتِكْ عِنْـد لاَشْرافـي""فَرْحِتي بِكْ مَالِهَـا صُـوْرَهْ
اْلخِصِر والزَّيْن لَـيْ وَافـي""مِنْك ياخِذْ ذا اْلبَـدِر نُـوْرَهْ
لُوْ بَشَخِّصْ فِيك لاوْصَافـي""ما احْتِوَيتْ اْلحِسِنْ وامْهُوْرَهْ
لِكْ عَيَانٍ نِعْـس لاطْرَافـي""حُورْ بين اْلغِيـد مَشْهُـورَه
وِانْ وِطَيتْ الأرْض لُوْ لافِي""إعْشِبَتْ بِاْلـوَردْ وِازْهُـوْرَهْ
لِكْ مِوَدِّه بَاطِـنٍ أو خَافِـي""عَنْ حِسُودٍ يَلْتِمِـحْ صُـوْرَهْ

fro0o7a · 26 - 07 - 2008, 22:54

يا سلامي على صباكم

يا نسيم هـب جدواكـم""أسهر اعيوني بطاريكـم
ما سخيت انا ابفرقاكـم""فرحتي ساعـة الاقيكـم
تبتهج نفسـي بروياكـم""من مزايا تتلقـي فيكـم
مثل ما تهوون نهواكـم""يعـل تحقـق مناويكـم
يا عجيد اريوم ندراكـم""يعل رب العرش يحميكم
كل ما حاولـت بنساكـم""عادت الذكرى تناجيكـم
ميزة في اسلوب معناكم""والملاحة ضافية فيكـم
ما وجدت انسان شرواكم""فاضل ابضافي معانيكـم
تطمعون اللي بينصاكـم""بالجمال ومن مواريكـم
ليت من هالشح هوياكم""تلهفون اللـي بيعنيكـم
ما تبده غيـر روياكـم""لو حريص انه يوافيكـم
يا سلام الله علىاصباكم""عزة في النفس تحميكم

fro0o7a · 26 - 07 - 2008, 22:54

تغرودة سمو الشيخ زايد رئيس الدولة
إلى الشيخ محمد بن راشد

عِزّكُم بيْعِزّنا كِلِّنا

مرحبَا ابْلَيْ رَحَّبْ أوْثَنـاّ""لاحْتَرامٍ لِهْ نحـن جيْنـا
وَاجِبْ أنْقَـدِّر أوْ نتْعَنّـا""لِلنِّسَبْ لَيْ مِنّا أوْ فِينـا
عِزّكـم بَيْعِزِّنَـا كِلْـنـا""وقـوّةٍ لَجْيَـاْل أهَالينـا
وْشَعْبِكُمْ هَلْنَا أوْ عِشيرتنا""ولي إيوفِّيكـم إيوفّينـا
وسَبْقِكُمْ يا شيخ يَمْحِنّـا""واْلمِشَارَكْ لَـيْ إيِسَلّينـا
مَرّةٍ مَـرَّهْ تكـون إلْنَـا""ومـرّةٍ مِنْكُـمْ تِجَافينـا
نَهْضِةٍ مِنْكم أوْ هِي مِنّـا""نِحْيِي الحاضِر إلْماضينا
سَجَّل التّاريـخ واْلفَنَّـا""مَهْرجان إلْهِينْ يشفينـا
عيدكم مَحْسُوبْ عِيدْ إلْنَا""والشّعُوب اللّي اتْوالِيْنَـا
يعل يُودْ السِّحِبْ لِمْدِنّـا""يروي الدّوله أومفالينـا
وَفّقَ الله حِسِنْ سِيْرَتْنَـا""وْيعِلْ رَبّ العَرش يَحْمينَا

fro0o7a · 26 - 07 - 2008, 22:54

رد رئيس الدولة على
الشاعر عبدالله بن شيبان

بِنْ عَليْ أَرْسَلْتْ لكْ عَاني

حَيّ جيلٍ يَـا لِنَـا عانـي""من صُويبٍ يبْغِي اْلعُونِـه
سَامْعِينه ابْسـرّ وِعلانـي""ونرتجي له حَظّ وامْعُونِـه
عِنْد مَضْنُوْنِهْ بِاَلاحْسَانـي""واحترامْ أوْعَطْفْ يَدْعُونِـه
بِنْ عَلي أرْسَلت لَك عانِـي""يُوم رَيْتْ الجيل مَظْمُونِـه
إحتِرمْهُمْ لَيْ لِهُـمْ شانـي""والهَوى له شَرْط يِرْعُونِـه
شَرْط واحدْ دُونْ لِه ثانـي""يْكتم إمَّا بِـه وَلا يْخُونِـه
لو تَشُوف ابْحالِك اوْهَانـي""في الهَوى إصْبر وْلِك عُونِه

fro0o7a · 26 - 07 - 2008, 22:54

رد رئيس الدولة على
الشاعر حمد بن سوقات

كِنْتْ لَوَّلْ تِلْعِيِ اِبْصُوتِكْ

يا حَمَد كَيْف اخْتِفى صُوتِك""عِقِبْ مَا انْتَه تِسْجَع اِْلوَنِّه
واْلمزامِلْ قَامَـتْ اتْفوتِـك""وِالهَوى تَرّكْتَـهْ أوْ فَنِّـه
كِنْتْ لَوَّلْ تِلْعِيِ اِبْصُوتِـكْ""في طَرَبْ وِالـوِدّ هَاوِنِّـه
خَايِفْ أنّ السَّعْد بيفُوتِـك""والزَّهَر ما تِخْضَعَـه فَنـهِّ
عَجِّل ابْجـدِّكْ وُمَجْهُـودِك""جـان دَرْبِ الـوُدّ مِتْلِنّـه
إلْمَها مَرَّنْ عَلى اوْرُودِكْ ""والرِّيُومْ اللِّي لِهِـنْ بَنِّـه
يِرْتعِنْ فِي خَطْرِةْ احْدُودِكْ""يَنْهِلِـن وايْعِلِّـنْ ابْسَنِّـه
لا تْحَرِّمْ نَفْسَـكَ أو ذُوْدِك""أوْ لا تْخَلِّي اْلقَلْبْ في هَنِّه

fro0o7a · 26 - 07 - 2008, 22:55

رد رئيس الدولة على
الشاعر عبدالله بن شيبان

لا يِغِرّكْ لَيْ بالأَلوَاني

بِنْ عَلي تشْكُو أوْلِي عَاني""ويْعِتِك مِنْ لَيْ زَها لُونِـه
بُو حَواجِبْ سُودْ واقْراني""صَعْبْ وَصْلَه والوَعَر دُونِه
لا يِغِرِّكْ لَـي بِاْلالْوَانـي""ابْصِبغ واْلمكْيَاج يِطْلُونِـه
والمَلاحَه لَي لَها شَانـي""في مَعادِنْها أُو مَصْيُونِـه
إنْظِر الغَـوَّاص شِيْعانـي""في حُصُولْ الدِّرْ وِوْزُونِـه
في لِجِيج اْلبَحَر وِايْعَانِـي""يَقضِي الأَيَّـام والسُّونِـه
بِه ايْنال إيِّيـكَ فَرْحَانـي""أوبِه اتعوزِه نَظْرِة اللّونِه
حَبّة اْلجِيْون لَهـا شَانـي"" بِنْ عَلي إِصْبر ولِك عُونَه
كَمْ مِثْلَك صِوِّبِ إنْسانـي"" من قَبِل والآن يَطْرُونـه

fro0o7a · 26 - 07 - 2008, 22:55

رَد رئيس الدّولة عَلى
الشاعر محمَّد بن سُلطان الدرمَكي

يَابو جسيم الوقتْ مَافَات

يا شُوقْ حِلْوِينٍ أو زَيْنَـات""شَهْـمٍ ولَـك مِيـزَه نجيّـهِ
لاْ تسيِّـعْ الوَنِّـه ابْعَبْـرَات""أوْلا تكُون في فِكَـره قويِّـه
يَا بُو جسيم الوقتْ مَا فَـات""بَنْسِير بَـك سَيـرِه هَنيِّـه
غَيِّه وفيِها مْن الشّرَاَغـات""اطيُـورْ سِرْعَـاتٍ وِحِـيّـهِ
متعَلّمَاتْ الصّيد فَي اوْقَـات""ومـدَرّبـاتٍ بالـسِّـوِيّـه
مَا شيْ شَرَدْ عَنْهِنْ ولاَ فَات""صَقَّارِهِـنْ نَفْسَـه رِهِـيّـهِ
مَا يْتـمّْ يِعَـزا كـلّْ ثَبَّـات""لِـي يَلَّعـت لَـه لَوِّلِـيِّـه
في الطَّردْ مَا يَعْطِي مسَافاَت ""يِلْحَقْ اوْلِـه ضَرْبَـه قِوِيِّـه
لَي فيِ الخَلا رَاعِيه مَا بَات""وْلاَ صَوَّعْ الرَّبْـع اوْ خِوِيِّـه
لَي لِه مَعَ طَـرْدِه مصَابَـات""يشْلَـع ثَنَـادُ وهـا طِرِيِّـه
يَاَ ما نِزَلْ مْن الدَّمْ قَطْـرات""منْ ضَربْ كفِّه في اضْحَويِّه
وارْبوُعْنَا امثَالْهُـم امْيَـات""شِبّـانْ وانْفُسهُـم زِكِـيِّـه
لَيِ للِْخِوِي مَعْهـم مزيَّـات""حِشْمِهْ ومْـدَراةْ اوْ حِمِيّـهِ

fro0o7a · 26 - 07 - 2008, 22:55

رد رئيس الدولة على الدكتور مانع سعيد العتيبة

هـات الـقلم بكتب من القلب تعبير

هات القلم بكتب من القلـب تعبيـر""رداً على شاعرٍ من الحب مصطـاب
يهلاّهلا به عـد مـا لعلـع الطيـر""للود غّنا واعتـلا ابـراس مرقـاب
اعداد رعـد دن مـع بـرقٍ اينيـر""اضحى اوامسى ايسوق وسم السحاب
اسقى شمالٍ مع جنـوب المحاضيـر""في الشرق سالت منه وديان وشعاب
حي به نديمي صاحب الجود والخيـر""شاعر شكى لي من صدى الود منذاب
شطه غزالٍ كامـل الزيـن واصغيـر""سنـه اوشوفـه للمخاليـج جـذّاب
عنقه كما عنق الدمانـي يلـي ذيـر""شم العرب يافـل متـى هَّـب دولاب
والعين له عين المها وقـت لعصيـر""ذاير من القنّيص في قـاع مسحـاب
هـذاك لـي يلعيـه مانـع ابتأثيـر""من زود ودِّه عـن وداده فـلا تـاب
يبشر ابفزعتنـا علـى كـل تقديـر""دكتورنا الشاعر عسى الوقت له طاب

fro0o7a · 26 - 07 - 2008, 22:56

حيّ بنسيم الشَّرقِ لِمْريفْ

حي بنسيم الشَّرقِ لِمْريفْ ..... لي نَفْحِتَهْ نَرْجِـسْ iاوْ مَشْمُـوم

رَحَّبْتْ بِهْ واصْبَحْت في iiكَيْف ..... مِنّي أوْزالَتْ كِـلّْ iالِهْمُـوم

بَنْشِدك لَيْ مرّيت يا iiرِيْف ..... داره عسـى تِكْفَـا مِـن اللُّـوم

هَاتْ الخبر من دوُن تَكْلِيـف ..... يَالْمِطْلِعـي بِاْلخِبـر مَلـزوم

عن صاحبي عَذْب iiالمراهيف ..... شَرْهٍ يداري رَمْسِـةْ اللُّـوم

إيزِيْن لَيْ فيه iiالتَّواصِيف ..... رِيْـمٍ رَعـى مَنْبُـوتْ لِحْـزُوم

عَيْنْ لِوْضَيحِيْ في iiمكافيف ..... لـو لا لِبَـاسْ الـدِّلْ وِخْتُـوم

لِه مِن حِسِنْ يُوسف iiتواصِيف ..... وِانْ صَدّْ زاد امْحِبّه اهمُـوم

شِرْواتْ مِنْ مَرَّوا iiمناكيف ..... رَبْعَهْ وْصَـار ابحـوزة iالقـوم

وِانْ عَادْ لِه في ارْضَاه iiتَشْرِيف ..... فَرْحِةْ امْعَيِّد مِنْ عِقِبْ صُوم

لِمْحِبّْ لَيْ لِهْ قَلْبْ iiهَزِّيف ..... وصاب الغضي مَدْقُـوقْ لوْشُـوم

وِايْشَوِّجِه لَعَّايِـةْ iiالصّْيـف ..... وَرْقـا تِعَلَّـتْ راس مَزْمُـوم

وِحْمايِـمٍ فـي فَـنٍّ iiامْنيـف ..... إتوقِّـظ العشّـاق مِ النُّـوم

وانْ زَارِنِي لِهْ فيِ اْلكَرى طَيْف .....أسْعَد ولوفي لَحْظِـةْ احْلـوم

عَسَنّ بَـرْقٍ بـات رَفّيـف ..... مِزْنِـه كَسـا لِمْغيـب بِـرْدوم

وَسْمِي ايْسُوقَهْ بارد الرِّيـف ..... بـه مرعـد دنـان وغيـوم

fro0o7a · 26 - 07 - 2008, 22:56

حِبّـنَا مِتْوازِنْ ارْكُونَا

إِنْ هِوَيْتُونَـا هِويْناكُـم ... وْبَنْتِصَبَّـرْ لَـيْ جِفَيْتـونـا

مَا عَرَفنا اْليـاسِ وِيّاكُـم ... وِيـنْ بَتسيـرونْ تِلقونَـا

مستحيلْ إنْ كَـان نِنْساكُـم... لـو تِقَصَّدْتـوا تِهَجْرونـا

نِهْجِر الدّنيـا بِليّاكُـم ... دونِكُـم عمـري فـلا ايْكونـا

نِرْخص اْلغَالِي إلْعيناكم ... وكـلّ صَعْـبٍ إلكُـمْ إيْهونـا

في الصَّحَا والنّوم نِنْصاكُم ... لا تِسِدّوا الدَّرْبْ من دونـا

وفي الحشا والقلب سكناكم ... امشيّداتْ اقْصوْر وِاحْصونا

نُورْ ياضي مِنْ مَحَيّاكُم ... مِثل نور الصّبح فِـي اْلكونَـا

إنْفَرَدْتُوا فـي سِجَاياكُـم ... نادِرِيْـنْ الحِسْـن واللّونـا

لـوْ حِسَبْناهـا مِزاياكُـم ... يُوصَـل التِّعـدادْ مِليُونـا

شَافْ شَرْع الحبّ دَعْواكُم ... واْلهوى له شَرعْ مَضْمُونـا

عادلٍ لوْ كَـان يدْراكُـم ... ياْلغِضـي لَـيْ دوم مَزْبونـا

وإنْ طَلَبْتونا عِطيناكُـم ... وبـا انْزيّـد إلْكُـمْ أوزونـا

لوْ أخذتوُا الـزّود يِفْداكُـم ... حِبّنـا مِتْـوازِنْ اِرْكُونـا

fro0o7a · 26 - 07 - 2008, 22:57

التحمته حزت المغرب

إلْتِمْحْتِه حَزّت اْلمَغْرِبْ ... خَشِفْ رِيمٍ زاهِـي ابْطِيْبِـه

صُوْتْ لَحْنِه شيِّقٍ يطْرِب ... باللّطافَه أوْ زَيْـن تَرْتيبَـه

مِنْ صِوابِي قَلبي اتْعَذَّب ... كيف ذا اْلمحبُوب أسوِّيبـه

لَيْ أوصُوفَهْ بِاْلحِسِنْ تِنْهَبْ ... نَظْرِتِه يا مانِع عْجيبـه

رِمْشْ عِينَهْ كالسّهَمْ َضْرِبْ ... هُوْهْ لَي ايْعَالِجْ تصاوِيَبه

لَيْ وِدَاده يَاْلخِوِي مِتْعِبْ ... دُوْمْ نَفْسي فـي مِطَالِيبَـه

مِطْلَبَه بَيْهُونْ لُو يِصْعَبْ ... مِنْعزِلْ رِدْفِهْ عـن الحِيْبِـه

مِبْعِدٍ عَنّي ولوْ يِقْرَب ... فِـي نَظِرْتِـه يَبْـدِي اْلهيْبِـه

هُو غِذا للنّفس لو يِنْهَبْ ... خاضِعٍ لاَمْـرَه وْتِصاوِيبَـه

يعْل دَاره من اْلمِزِنْ تِشْرَبْ ... غيثْ مِ اْلمعبُود يَضْفِيْبِه

والجفاف امْن اْلبَلد يِذْهَبْ ... واْلمِياه اتْفيض في اشْعِيْبِه

واْلغِضِي مِنْ مَنْظَرَهْ يِطْرَبْ ... وكلِّها اْلجِيعَانْ تَغْنِي بِـه